Si të ndalojmë dhe të parandalojmë osteoporozën? Osteoporoza rrallë ka simptoma. Në fakt, disa njerëz mund të mos vërejnë ndonjë ndryshim derisa një rënie e vogël shkakton thyerjen e një kocke. Prandaj merr rol të rëndësishëm trajtimi po sidomos parandalimi i proçesit.

Metoda më e mirë diagnostike për osteoporozën është densitometria kockore. Është një procedurë e shkurtër dhe pa dhimbje që zgjat 10 deri në 20 minuta, në varësi të pjesës së trupit që skanohet.

Dendësia juaj e kockave krahasohet me atë të një të rrituri të ri të shëndetshëm.

Diferenca llogaritet si një devijim standard (SD) dhe quhet pikë T. Rezultatet mund të jenë si më poshtë:

• mbi -1 SD është normale
• ndërmjet -1 dhe -2,5 SD tregon humbje kockore dhe përkufizohet si osteopeni
• nën -2.5 përkufizohet si osteoporozë

Si të ndalojmë osteoporozën?

Trajtimi i osteoporozës nënkupton ngadalësimin ose ndalimin e humbjes së kockave për të parandaluar thyerjet.

Të njëjtat zgjedhje jetese të shëndetshme që ndihmojnë në parandalimin e osteoporozës mund të përdoren për ta trajtuar atë. Këto përfshijnë ushtrime të rregullta dhe një dietë të shëndetshme. Megjithatë, ndryshimet në stilin e jetës mund të mos jenë të mjaftueshme.

Medikamentet që ngadalësojnë humbjen e kockave përfshijnë bisfosfonate, kalcitonin, bllokues RANKL, estrogjen dhe barna që ndryshojnë mënyrën se si estrogjeni vepron në trup.

Medikamentet që ndihmojnë në rindërtimin e kockave përfshijnë edhe një version sintetik të hormonit paratiroid dhe ilaçe që pengojnë një proteinë të quajtur sklerostin.

Përveç menaxhimit të osteoporozës tuaj, është e rëndësishme të shmangen aktivitetet që mund të shkaktojnë një frakturë. Aktivitete të tilla përfshijnë lëvizje si spostime të shpejta të shtyllës kurrizore.

Disa këshilla për kocka të forta:

• Ushqime që mbështesin shëndetin e kockave = Të merret mjaft kalçium, vitaminë D dhe proteina çdo ditë. Qumësht me pak yndyrë, perime jeshile, peshku, qumështi dhe drithërat janë burime të mira të kalciumit. Nëse niveli i vitaminës D është i ulët, mund të merret në formën e një suplementi.
• Aktivitet fizik sipas moshës dhe situatës.  Ushtrime si ecja , vrapimi, ngjitja e shkallëve, tenisi dhe kërcimi.
• Ndëprerja e duhanit.
• Kufizimi i konsumimit të alkoolit.