Pse burrat kanë risk më të lartë për kancer se gratë?

Burrat kanë risk më të lartë se gratë për të zhvilluar të paktën 11 lloje kanceri. Për disa lloje specifike si kanceri i ezofagut, laringut, stomakut dhe vezikës, risku është deri në tre herë më i lartë për burrat.

Pse burrat rrezikohen më shumë nga kanceri se gratë?

Një analizë e fundit tregoi se ky ndryshim mund të shpjegohet me sjelljet e rrezikshme te burrat dhe ekspozimin ndaj karcinogjenëve, siç janë duhanpirja, alkooli apo ekspozimi në punë ndaj toksinave. Sipas këtij studimi, gratë kishin risk më të lartë se burrat për kancer të tiroides dhe kancer të rrugëve biliare.

Megjithatë, ka edhe ndryshime në incidencë për lloje kanceri që nuk mund të shpjegohen me ekspozim ndaj karcinogjenëve, ndaj në këto raste janë faktorë biologjikë intrinsikë si psh. ndryshime hormonale që ndikojnë në këtë diferencë incidence ndërmjet burrave dhe grave.

Të kuptuarit e mekanizmave biologjikë të lidhur me gjininë, që çojnë në predominancën e kancerit te burrat, do të jepte më shumë informacion mbi etiologjinë e mbi të gjitha do të mund të ndihmonte parandalimin e kancerit.

Ajo që dihet është se gratë kanë një sistem imunitar më të avantazhuar, me mekanizma jo plotëisht të njohur dhe kjo mund të jetë një tjetër arsye për diferencat në numër të kancerit mes dy gjinive.

Duke parë diferencat e mëdha në incidencë për disa lloje kanceri, është shumë e rëndësishme që raportimi i rasteve me kancer, depistimit dhe mbijetesës nga kanceri të bëhet sipas gjinisë. Kështu nuk do të humbasim informacione të rëndësishmë që mund të tregojnë një lidhje të mundshme me këtë fenomen. Një tjetër sugjerim i rëndësiëshëm që rezulton nga analiza, është përfshirja e ndikimit hormonal dhe gjenetik në zhvillimin e kancerit si një faktor i rëndësoshëm për të studiuar gjatë studimeve klinike per kancerin.