Kreatina është një substancë që gjendet natyrshëm në qelizat e muskujve. I ndihmon ato të prodhojnë energji gjatë ngritjes së peshave ose ushtrimeve me intensitet të lartë.

Marrja e kreatinës si suplement është shumë popullore në mesin e atletëve dhe bodybuilders. Ata e përdorin për të fituar muskuj, për të rritur forcën dhe për të përmirësuar performancën e ushtrimeve

Nga pikëpamja kimike, kreatina ndan shumë ngjashmëri me aminoacidet, përbërës të rëndësishëm në trup që ndihmojnë në ndërtimin e proteinave.

Rreth gjysma e rezervave të kreatinës vijnë nga ushqimi – veçanërisht mishi i kuq dhe ushqimet e detit – dhe pjesa tjetër sintetizohet në mëlçi dhe veshka nga aminoacidet.

Rreth 95% e kreatinës së trupit ruhet në muskuj, kryesisht në formën e fosfokreatinës. 5% tjetër gjendet në tru dhe testikuj.

ATP shpesh quhet monedha e energjisë e trupit. Kur keni më shumë ATP, trupi juaj mund të performojë më mirë gjatë stërvitjes.

Kreatina gjithashtu ndryshon disa proçese qelizore që çojnë në rritjen e masës, forcës dhe rikuperimit të muskujve.

Përfitimet nga Kreatina

Kreatina mund të përmirësojë shëndetin dhe performancën atletike në disa mënyra.

Në ushtrimet me intensitet të lartë, roli i tij kryesor është të rrisë rezervat e fosfokreatinës në muskuj.

Depot shtesë mund të përdoren më pas për të prodhuar më shumë ATP, i cili është burimi kryesor i energjisë për ngritje të rënda dhe ushtrime me intensitet të lartë.

Mundëson më shumë punë totale ose vëllim në një seancë të vetme stërvitore, një faktor kyç në rritjen afatgjatë të muskujve.

Mund të rrisë sinjalizimin e qelizave satelitore, gjë që ndihmon në riparimin e muskujve dhe rritjen e muskujve të rinj.

Studime vënë në dukje një rritje të hormoneve, si IGF-1, pas marrjes së kreatinës.

Kreatina ngre përmbajtjen e ujit brenda qelizave tuaja të muskujve, gjë që shkakton një efekt të vëllimit të qelizave që mund të luajë një rol në rritjen e muskujve.

Mund të rrisë masën totale të muskujve duke reduktuar ndarjen e muskujve.

Nivelet e ngritura të proteinës miostatin mund të ngadalësojnë ose pengojnë rritjen e muskujve të rinj. Plotësimi me kreatinë mund të zvogëlojë këto nivele, duke rritur potencialin e rritjes.

Suplementet e kreatinës gjithashtu rrisin rezervat e fosfokreatinës në trurin tuaj, gjë që mund të nxisë shëndetin e trurit dhe të përmirësojë simptomat e sëmundjeve neurologjike.

Kujdesi ndaj saj

Por, si çdo suplement duhet të merret në formë të kontrolluar pasi mbart me vete rrezik për shëndetin. Kreatina nuk është ilaç. Ajo mund të rezultojë në dëmtim të veshkave, mëlçisë, shtim në peshë, fryrje, dehidratim, ngërçe të muskujve, probleme të tretjes, deri në zbërthim jo të shëndetshëm të muskujve.

Përdorimi i kafeinës dhe konsumimi i pakët i ujit gjatë ditës mund të shtojë efektet anësore të kreatinës.

Po kështu, megjithëse përdoret gjerësisht nuk dihen ende të gjitha efektet anësore, sidomos ato afatgjatë.

Për këtë arsye është e rëndësishme që përpara marrjes së suplementeve energjitike duhet konsultuar me profesionistë të shëndetit.