Edemat periferike jane ënjtje e këmbëve ose duarve . Shkaku mund të jetë i thjeshtë, si për shembull të rrish ulur për shumë kohë në aeroplan ose të qëndrosh shumë gjatë në këmbë, por mund të shkaktohet edhe nga semundje më serioze.

 Është e zakonshme në të moshuarit dhe gratë shtatzëna, por mund të ndodhë te çdo kush e në çdo moshë.

Edema ndodh kur diçka prish ekuilibrin e zakonshëm të lëngjeve në qelizat tuaja. Si pasojë, në indet tuaja grumbullohet një sasi jonormale lëngjesh (ne hapësiren intersticiale). Graviteti e tërheq lëngun poshtë në këmbë.

Çfarë i shkakton edemat periferike?

Edema periferike ka një shumëllojshmëri të gjerë shkaqesh. Shkaqet e përkohshme të edemës mund të jenë:

• Dëmtime traumatike
• Qendrimi ulur ose në këmbë shumë gjatë
• Shtatzënia
• Ndryshime hormonale
• Marrja e tepërt e kripës

Edema periferike mund të jetë një efekt anësor i shumë ilaçeve. Barnat që mund të shkaktojnë edemë periferike përfshijnë:

• Ilaçe për tensionin e lartë të gjakut
• Kortikosteroide
• Barnat anti-inflamatore josteroide (NSAIDs)
• Hormonet, si estrogjeni dhe testosteroni
• Opioidet
• Bllokuesit e kanaleve të kalciumit
• Ilaçe për diabetin
• Antikonvulsiante
• Antidepresantë
• Inhibitorë të pompës së protonit, PPI
• Voriconazole (Vfend), një antifungal

Cilat sëmundje lidhen me edemën

Në shumë raste edemat periferike mund të jenë simptomë e disa sëmundjeve. Ndër to përfshihen:

• Insuficienca venoze
• Trombozat (Mpiksjet gjaku)
• Semundja renale kronike
• Infarkti i zemrës
• Perikarditi
• Preeclampsia
• Cirrhoza hepatike
• Hipertension pulmonar
• Limfedema
• Lipedema
• Inflamacioni si pasojë e artritit, bursitit, guta ose cysti i Bakerit mund të shkaktojnë ënjtje të këmbëve.
• Celuliti
• Kequshqyerja
• Kanceri dhe trajtimet kundër kancerit
• Apnea e gjumit
• Sindroma Cushing
• Sëmundja Graves
• Sarkomi Kaposi
• Obeziteti
• Alergjite

Si trajtohen edemat periferike?

Trajtimi për edemën periferike varet nga shkaktari i saj. Nëse është e pranishme një sëmundje e brendshme, trajtimi i edemës bëhet duke trajtuar sëmundjen bazë.

Për edema të shkaktuara nga stili i jetesës ose shkaqe të përkohshme, ekzistojnë disa mënyra për t`i lehtësuar ato:

• Ngriji këmbët (ose krahët) mbi nivelin e zemrës disa herë në ditë.
• Fli me jastëk nën këmbë natën.
• Fizkulturë.
• Nëse të duhet të ulesh ose të qëndrosh shumë në këmbë, merr pushim për të lëvizur.
• Vishni çorape kompresive në këmbët e enjtura, por të rekomanduara nga mjeku.
• Pakëso sasinë e kripës.
• Masazhojeni zonën e prekur për ta shtyrë butësisht lëngun në drejtim të zemrës.
• Merr gështenjë kali. Një suplement i ekstraktit të farës së gështenjës së kalit që merret dy herë në ditë mund të ndihmojë qarkullimin e këmbëve.
• Të biesh në peshë nëse je mbipeshë.
• Merrni një diuretik (shkarkues) nëse mjeku juaj e rekomandon atë.