Roli i informacioneve molekualre për të lehtësuar vendimin për trajtimin e kancerit të gjirit është tashmë shumë i rëndësishëm në menaxhimin e duhur të kancerit të gjirit. Testet molekulare që i lejojnë onkologëve të kuantifikojnë riskun e rikthimit të sëmundjes janë të aksesueshme prej shumë vitesh. Këto teste përdoren për identifikimin e pacientëve që mund të përfitojnë ose jo nga trajtimi adjuvant me kimioterapi përvec trajtimit me terapi endokrine.
Testi EndoPredict
Endopredict, është nje test gjenetik prognostik për kancerin e gjirit, i cili analizon shprehjen e ARN-së për 12 gjene, i cili është njëkohësisht i korreluar me tipare klinike të tumorit (madhësia e tumorit dhe statusi i limfonodujve), për të parashikuar një rekurrencë 10 vjeçare të sëmundjes.
Rezultatet e këtij testi përdoren nga onkologët për të marrë vendimin e duhur mbi trajtimin, pra në thelb për të kuptuar se cilët pacientë kanë risk të ulët për rikthim të sëmundjes dhe mund të shmangin kimioterapinë dhe cilët pacientë kanë risk të lartë për rikthim të sëmundjes dhe duhet të marrin kimioterapi.
Testi i Endopredict është validuar në studime retrospektive dhe prospektive dhe është inkorporuar në udhëzuesit e ASCO dhe NCCN për menaxhimin e kancerit të gjirit.
Cilët pacientë përfitojnë nga ky test?
Endopredict indikohet në pacientët me kancer gjiri me receptorë të estrogjenit pozitiv (ER+), HER2-, stad i hershëm i kancerit të gjirit, me maksimuni deri në 3 limfonoduj te prekur nga sëmundja (0-3).
Si kryhet testi Endopredict?
Testi i Endopredict kryhet në masën tumorale që është marrë për biopsi, ndaj pacienti nuk duhet t`i nënshtrohet ekzaminimeve të tjera për të kryer këtë test. Është nje test që rezultatet e të cilit vonojnë rreth 3-4 ditë. Interpretimi i përgjigjes së testit kryhet nga mjeku onkolog, i cili në bazë të rezultatit merr vendimin mbi trajtimin, nëse do të jetë i nevojshëm trajtimi me kimioterapi ose jo.
MEDLINK 
Lini një koment